العيون النجديه(بالصوت)

[الطائر المهاجر]

http://up.ftahilah.com/up/uploads/Mine/3yoonNjdiah.rm


إلى من بـلاك الله بعيـون نجـديه = فحاذر ولا تقرب ترى سمّها ساعه
ترى طرفهـا الفتّـان ميّه على ميّه = يصيب الهدف عن بعد ما ينفع دفاعه
لمحت الغظي واثري على جال مطويّة = سهم كان كافي يطرح الطير بالقاعه
رمتني على غفلة ولا ادري وش النيّه = فلا لي بدرب الحب ولا ني من اتباعه
وسمّيت خايف احسب الريم جنيّـه = وتعوذت منها واشعرالنفس مرتاعه
وردّت علـيّ بكل عطفٍ وحنيّـه = وقالت عـلامك ، قلت بالقلب أوجاعه
صويب العيـون السود وش نيتـك فيّه = تراني رهيف القلب والروح جزاعه
انا ما حتمل جيش بصـواريخ ذريّـه = تدمر حشاي وتترك النفس ملتاعه
اسلـم لك الـرآيه وابرفـع لك يديّـه = فلا فيه نديّه ، لك السمع والطاعه
انا الذاهـل الحيـران قـدّام حـوريّه = وانا اللي قتيل رموش بالحيل لذّاعه
ولكن وش اللي جايبـك صـدق يابنيّه = وش اللي تبينه من فتى شفتي اوضاعه
"أبـي الحب"، قـالت ، لكن بكل جـديّه = احب الطيور اللي من الطرف مرواعه
وشدت يدي كالطفـل تمشي به شويه = واذا من تلوّى وصاح تعطيه رضاعه
تسولف على راسه وتهدي له اغنيّـه= وتهده على الرجلين من بعد اشباعه
رضيـع مع الطفـله والاحـلام ورديه= بحبٍ عفيف وكل طفـلٍ له اطباعه