احس بضيق

[عبدالعزيز ابراهيم المنصور]

بسم الله الرحمن الرحيم


احس بضيق في صدري لاجاني الليل وحداني=واحس النار في جوفي تولع واحترق فيها
يطير النوم من عيني لوان النوم سلطاني=هموم ٍ تشغل افكار تسريني واسريها
توارد جملة همومي معا وقت ٍ تحداني=يزيد الجرح في نفسي ولايمكن يداويها
ادمدمها واحاول ابتعد لكن تبلاني=مسيكين الذي عايش حياته مع بلاويها
اكفكف دمعتي لكن زمان الضيم بكاني=قناديل الفرح لاشعلتها دايم يطفيها
ورود العمر جفت وانبرت من كثر ماجاني=غرابيل ٍ تلاحقني لواني كنت مابيها
اعيش بواقعي حسرة واردد ماضي ازماني=لان ذكرى زمان ٍ فات يسليني طواريها
حياتي مفعمه فيما مضى باشكال والواني=كما رسمه وراسمها بفنه مبدع ٍ فيها
كساها حلة ٍ حازت وفاقت كل الاثماني=ولكن مع مرور الوقت ماعاد احد ٍ يراعيها
وهذي حالتي عايش بوقت ٍ حيل مارضاني= زمان ٍشفت فيه الناس تخلى عن مباديها