( يا إلهي .. كُـليب كله مات .. ) .. ؟؟!!!

[الشيخة]

http://www.star2up.com/up/upg/alam_IMG-49.jpg

http://www.6rbtop.com/library/resources/W7ed_3azar/Collection/listen/21640_hi.ram



( يا إلهي .. كُـليب كله / مات ) ..؟!!


صرخة الزير ..
هزت ضلوعي .. وزلزلت روعي
يوم أنا مثله .. بكيت .. و ناديت للريح وعزيت

( ياربي .. هالحبيب كله .. بيوفي بات .. وأنا لحبه احتويت ) ..؟!!


هذا وانا توني .. منه .. عنده لاجئة أستجير .؟!!
كيف أحمل همه حي .. و أنا قلبي منه .. مات ؟!
وكيف ميت حامل ٍهم .. حي وبخير ..؟
مثل موت الحلم .. بكسرة خبز بيد الفقير ..!



شفت ما أكثرك و ما اكبرك عندي ..
ياشقاي و عذابي وسهدي
شفت كم انت كون .. لايرخص
ولا يتزعزع ولا يهون ..؟!!
وليتك تدري .. انت عندي فعلا وش تكون ..؟!




http://www.star2up.com/up/upf/tarki_krMKJl.gif






برغم انه لا دليل .. ولا وعد ولا أمل
قلبي كله .. بكلي
صوبك من الفجر ودعني .. و رحل


ماانتظر حتى .. شقة النور
ولا بل ريقة بشوية أماني .. ولا تزود بحفنة .. سطور


حتى الحروف عافها .. من يوم ذيك الموتة
بعينك .. شافها
من نزع عن عذراء المواعيد .. الحافها ..؟!!
وعرى وجه المرار
وهدم للزهور جدار
وقال :
لا تحلمين .. روحج مالها عنده وطن
وطيوفج هو .. والله ما شافها ..!!





http://www.star2up.com/up/upf/tarki_krMKJl.gif






ما لقيت في كل الأحقاب لك مرسى
لفيت كل الأزمنة ..
هذا ممرد من قوارير
وذاك .. يغزو .. وذيك تُغزى ..!!
وهنيه قصور و مداين عشق .. وحرير
وجواري .. مقيدات بأمر الأمير
وشهرزاد .. تحكي ألف ليلة وليلة
شي تذكره .. وشي من وجع غلاه .. تهابه وتنسى .!!
وياويل ظالم حبيبه .. من الله .. يا ويله .؟







لاجلك ..
مريت الأكوان .. شمال وجنوب
ومدن ملح .. و سوالف دخان ..!!

مدرجات رومانية لألف قصة عشق .. خالدة و مروية
هوى قيصر و سندته على كفي .. وهو يصيح
( حتى أنت يا بروتوس طعنتني .. وعنتهم عليه .. !! )

الصرخة الموجعة غدر ..
ما زالت تنزف منها
أذني .. حد أناملي و ايديه ..!
ظلم و خيانة وقهر .





http://www.star2up.com/up/upf/tarki_krMKJl.gif





كلها مريتها .. وقصتي معك يا ظالم نحت ارموزها
على جدران كنوزها
وعلى متن السحايب .. سافرت بها .. ومطر بكيتها ..!!

و أنت .. مر العمر وهالطفلة ماجيتها
بس
تتفنن في حربك لها .. و يشغلك بس كيف تقضي
بعيد عنك .. و بيديك نحبها ..؟!!
وكيف لا غفت .. تقدر تغث بطيوفك امبيتها
كل هذا ولا رفت و حنيتها ..!




وليتك تدري ..
انها ماخلق ربي في حبك مثلها
لا بعدها .. ولا قبلها
وانك الوحيد اللي حفر بجفاه وعناده جوانب قبرها ..!!
وطفيت بكفوفك شعاع النور
ليلة زفافه النور .. لغالي عطرها .!






http://www.star2up.com/up/upf/tarki_krMKJl.gif




عاشت مليون عام في غلاك
وماتت ملايين السنين .. من جفاك
ولا طريتها مره .. وهي حتى طرف جديلها طراك

وقروك فيها .. كل اللي شافوها
في عينها .. في جيدها .. وخضاب كفوفها
وعلى وجهها ما شافوا الا .. محيّاك ..!



ولافكرت تزورها .. و تسقي بكلمة طيبة
موات زهورها ..!
ولا جربت ولو مرة كيف هو جنة لمن جناه
راقي و حنون .. حضورها ..!




بس ياليت .. أقول ياليت
ما تنسى ولا تبخل .. لي ماتت
توقف على قبرها .. ببعض الأوركيد ( تزورها ) ..!!






http://www.star2up.com/up/upf/tarki_krMKJl.gif