الطائر المهاجر
05-02-2006, 05:49 PM
http://up.ftahilah.com/up/uploads/Mine/LanEl7deed.rm
لان الحديد وقلب من صد ما لان = ولا فادت الشكوى وكثر الرسايل
مدري علامه يمكن الحب زعلان = والاّ لقى غيري لقلبه بدايل
ماكن عشنا الحب والحب ماكان= ولا كن باسبابه سكبنا الهمايل
الله يادنيا تغيّر بالانسان = ما بين يوم ويوم تلقاه مايل
في وقت صار الجاه مبدا وميزان= يحكم ضمير الناس حتى الأصايل
وحتى حبيبٍ كان للحب ولهان = يصلاه بالهجران ماهوب سايل
وش لون ياحبّي بنارك والأحزان= تشعل بقلبي ما تبي من فتايل
ياحيسفا تجزى حبيبك بنكران = وتنسى سنينٍ مالهن من مثايل
ما اخطيت في حقّك ولا نيب غلطان= حتى تقاطعني وانا فيك احايل
ياخوفي إنّك من يرى القلب دكّان= يجمع به قلوب البشر بالتحايل
ما انت الوحيد اللي بهالوقت فتّان= كلٍ يبي قربه بشتى الوسايل
ولا انا الوحيد اللي ضحيّه لفنّان= يغري ببرقه من جهل بالمخايل
ما تستحق الحب لو جيت ندمان= ولا لك عذر يا ناكرٍ للجمايل
منك انتهيت وخاطري منك مليان= خلاص لاترجع وردّ الرسايل
لان الحديد وقلب من صد ما لان = ولا فادت الشكوى وكثر الرسايل
مدري علامه يمكن الحب زعلان = والاّ لقى غيري لقلبه بدايل
ماكن عشنا الحب والحب ماكان= ولا كن باسبابه سكبنا الهمايل
الله يادنيا تغيّر بالانسان = ما بين يوم ويوم تلقاه مايل
في وقت صار الجاه مبدا وميزان= يحكم ضمير الناس حتى الأصايل
وحتى حبيبٍ كان للحب ولهان = يصلاه بالهجران ماهوب سايل
وش لون ياحبّي بنارك والأحزان= تشعل بقلبي ما تبي من فتايل
ياحيسفا تجزى حبيبك بنكران = وتنسى سنينٍ مالهن من مثايل
ما اخطيت في حقّك ولا نيب غلطان= حتى تقاطعني وانا فيك احايل
ياخوفي إنّك من يرى القلب دكّان= يجمع به قلوب البشر بالتحايل
ما انت الوحيد اللي بهالوقت فتّان= كلٍ يبي قربه بشتى الوسايل
ولا انا الوحيد اللي ضحيّه لفنّان= يغري ببرقه من جهل بالمخايل
ما تستحق الحب لو جيت ندمان= ولا لك عذر يا ناكرٍ للجمايل
منك انتهيت وخاطري منك مليان= خلاص لاترجع وردّ الرسايل