نجم والطائر

[نجم الإبداع]

الطائر=المهاجر
يامرحبا ترحيبة كنها الطش= لامن نزل من فوق راس العروسي
وبلل شعرها لين ما يجعله هش=ثمن نزل للصدر تقل مهسوسي
نجم =الابداع
ابك البقى ياعاشق النت والدش=يالي تتابعني برادارروسي
اليا مزحنا قالو الناس وشبش=واليا زعلنا قالو انته عبوسي
الطائر=المهاجر
ثمن تعلا فوق كثبان لا نش=ثم انحدر من فوق سيقان بوسي
وازكى التحيه دون لفٍ ولا حش= يامرحبا بالضب بين الجموسي
نجم=الابداع
ياهرش ماقابلت مثلك ولاهرش=تهدر وترغي ثم ترسل بقوسي
واحد يصيب وواحد اخطى المفرفش= مالي من اصحاب المنامه ولوسي
الطائر=المهاجر
الله عليم بحالتي والي العرش=اني احبك دون ادنى فلوسي
وان كان تتصدق فانا ما اقبل القرش= عطني من الدولار اصلح ضروسي
نجم=الابداع
القرش مايحتاج تحت الغطى فرش= والحب متبادل بدون الغموسي
دايم نصيد الهرش في داخل العش=والضب ياخذ عند هرشه دروسي
الطائر= المهاجر
ياضب ياللي شايلٍ فوقه الكرش=انا اشهد انك في الخداع مغموسي
احسبك مثلي لينٍ منت بالحرش=واثرك مثل ما كنت تخرب غروسي
نجم=الابداع
اقسم برب البيت مانشتكم نش=لاتتهمني وانت تعرف حدوسي
غرسك سقيته بالوفاء لين مانش=يومك تطيع اهل الغوى والدسوسي
الطائر=المهاجر
اعرفك حصني كله المكر والغش=وانت اللذي اوقدت حرب البسوسي
جساس في دمك وانا كليب لو خش= قلبه نظيف مثل بيض الطروسي
نجم=الابداع
ياطير بن عرمان ياماكل المش=لانته بداب ولا انت جربوع يوسي
تقلب كما الحربا وبالسانك الفش=في كل لفه ملتوي ومحموسي
الطائر=المهاجر
مثل الكفر طبعك اذا ما انتفخ فش=وانا مثل مسمار جيته تدوسي
الأصل يغلب فانت من وافد الطرش= مدري بلوشي او تكون اندنوسي
نجم=الابداع
على مفطح باعزمك بس عرمش=او لوبغيت نحطها لك تيوسي
والا نعزّمك عند ولد الفقندش=الي يسوي لك هريسه وسوسي
الطائر=المهاجر
مشكور واسمح لي اناديك يادرش=مانيب اعرمش وانت تكفي تروسي
مثلك يعرمش لا لقى العظم او دش=وانا بري من عظام التيوسي
ههههههههههه صح لسانك=ولاهنت