مسنده لاخي نجم الابداع مع وافر التقدير..

[حرف وشعر]

غنيت لك بالناي عـذب الطواريـق=وجريت لك من صوت قلبي ربابـه
ولحنت لك من شوق وجد العشاشيق=وصورت لك من بوح عشقي صبابه
يادنيتـي يافرحـتـي والتوافـيـق=ياسلوتـي لا كشـر الهـم نـابـه
كل النواظر دون شوفـك مغاليـق=بين المحاجـر دمعهـا وانسكابـه
وكل الظماير تشتكي لك مشافيق=مثل الطفل لي جاير الهم جابه
وش ذنبها يوم احتوتـك المعاليـق=وش ذنبها يوم الهـوي فـك بابـه
انا المتيم لي دهـل قمـة اطويـق=وانا المعنا وانـت يلـي عنـا بـه
معذور يلـي يرتقـي للشواهيـق=مايرتـقـي الا كبـيـرا جنـابـه
حلو الليالي مـن قديـم المواثيـق=لازال ذكـراهـا يـجـدد شبـابـه
ماغـاب ذكـري للـدلال المعاتيـق=وقرص علي مـل النقـا مستطابـه
وادير فنجانك علـي شفـة الريـق=ماضرنـا يوم القـلـوب أتشـابـه
وانام واصحي بين جفنيك وافيق=والهم والله ماحتسبت احتسابه
ياحي ذكري باري الهـم والضيـق=يوم الوفـاء كاسـه لذيـذ شرابـه
والعهد باقي في الرجـال المطاليـق=مال الوفاء لاهل الوفاء من غرابـه