يامل عين

[حمود السكراني]

الله من وقتٍ عسير وملهاد =رمى علينا المبحلات وكسرنا
ويامل عينٍ ليلها هم وسهاد =من وين مادار الهواجيس درنا
وياسقم جرحٍ مادروا فيه الأشهاد =كل ماغفلنا بالضماير مزرنا
سريت ليلي مشغل الفكرمافاد = لامنقفل باب الأمل واعتذرنا
أيه اعتذرنا وقت بالحل ماجاد =وقتٍ طحنا تحت قسوة قدرنا
العذر لك يامن على شي معتاد =جانا لقانا غير حالٍ خبرنا
والله ماهو من بخل يابن الأجواد=بس المشاحي لوبغيت تعسرنا
لو الجميل يجيبه قتال وعناد= جبناه لوحنا على الحال جرنا
البخل مظماه وهل للجود ميراد = ندريه لوه بطبع الأيام حرنا
لفت على سبوح الكريمين الأصفاد =كل لا وقفنا وقيد ظرفه عثرنا
أقفى الزمن يرفع مباني بلاعماد =ويقتل غباره زرعنا لابذرنا
وقتن بخيل المال سرداد مرداد =وحنا على ضيق المداخل حشرنا
ذي حالة الدنيا عدوة للأجواد =عفوك رضيت ابماقضيت وصبرنا
ياحظ من هو وردنه على الماد=وياشين حظ اللي اجدعنه وسرنا
أقفن يناديهن صدى الصوت ترداد =ردن علينا ووصلنا قصرنا
حفيت بنا الأقدام والوقت جلاد =وحنا على نيل المراجل نظرنا
نركض عسى ندرك بها فعل الأجداد= اوبعض شي من فعلهم ماقدرنا