وهو يضحــــك على الكـــــــلا

[الآكيد]

يذوب الكحل بعيونـه=واذوب بعينـه النجـلا
ومبسمها حمـر لونـه=يابخت اللي رشح منه
حبيبي ماحـلا افنونـه=سحر لا رحب وهـلا
ماهمه مـن يعذلونـه=ملك زين(ن) على فنه
بشر واجـد يريدونـه=وهـو دلـوع يتغـلا
ذبح عشـاق مجنونـه=تحـب وجـرة الونـه
علـى نغمـة تلفونـه=يتـل اقلوبهـم تــلا
يخل النفـس مرهونـه=رهن حبه على الرنـه
بطاقة شحن مشحونـه=شحنها دايـم(ن) فـلا
من العشـاق مديونـه=وهو معذور في دينـه
هدايـا دوم يعطـونـه=وهو يضحك على الكلا
يذوب الكحل بعيونـه=وناس(ن) ذابت ابعينـه


الآكيـــــــــد=


=خالد عتيق النفيعي