قصيدة في (( أم المؤمنين عائشه رصي اله عن

[فهد الغنام]

,,,,

مساكم فل ,,,,


قصيده في ,,, أمي وأم كل مؤمن ( عائشه رضي الله عنها وأرضاها ) وهي لا تحتاج لأي مقدمه ,,,




إن كان شعري مانفعني بهاليوم = والله لحطه تحت الأقدام شعري
دام إرتفع سعر الكرامه عن السوم = ياشين في بعض المواقيف صبري
لا طار طير المرجله وأبعد الحوم = عرفت عند اللازمه ويش قدري
الحج ما يغني عنه كثرت الصوم =والذل ماله يالميامين عذري
دام إرتخينا اليوم عن نطحت البوم= ما يرتخي عن كتب الأمثال حبري
وإن طحت قدّام الرياجيل مهزوم =يا ليتني لاطحت في وسط قبري
والسيف كانه يا رياجيل مثلوم =لا هفّ من كفّ الشرف جاك حدري
والخيّر اللي بان في وجهه اللوم =ودي لونه عن خفا الحال يدري
في ذمتي يا طيّب القلب مهموم =والنار كنّه تلتهب وسط صدري
في ذمتي ما هيب من قلّت إعزوم =لكن من ميلات الايام حذري
ومدامها وصلت شرف سيّد القوم = والله إن يطلع بين الأشبار شبري
محشوم عرضك ياطهر الخلق محشوم= لو راح لجل رضاك مالي وعمري
أمي شرفها ريح عنبر ويشموم = ونص الشرف بكتاب الأمجاد مقري
نفدا شرفها يا رفض دايم الدوم = وإيماننا في عفّته شيّ فطري
لحم الشرف يا ميّت القلب مسموم =سمٍ بحلقك يسود الوجه يسري
والظلم والبهتان بالدين مذموم =تدري عنه وألا تقيتك تدري
طيّرت عن عين الشقى لذة النوم = والحال راس المرسمه وأنت تبري
يلفني شيٍ على الباب مرسوم= ماناح فوق إغصون الأوراق قمري
والقاف بالريحان والمسك مختوم = خذها نظم فكري وتأصلك بمري




(ورده لكل مار هنا ) ... اهم شي لا احد يقلب حرف الميم ف



ودي لكم ,,,,






فهد,,,




,,,