][ بنت الشات ][

[عبدالعزيز الرقابي]

حرمت انا اتعرف على بنت من شات=من عقب ماسلمى رمتني بيديها

ان جابها الله ليّ او كان ماجات=ماعاد هذا القلب وده يجيها

احيان احس اني (بلا) انثر شتات=واحيان احس اني بصدق اهتويها

واحيان احس اني على الشعر اقتات=واطلق عنان الروح لين احتويها

مجنون شعر وشعره يقول له هات=هاتي لي الأخبار لاجل اقتفيها

ياشعر مابه عندي اليوم اصوات=جفّت حناجرنا وحنا نبيها

هم ٍ توقد داخل الصدر بالذات=حرقة فراق ٍ ليتها بس تعيها

طبعي حبيب ٍ شارد الذهن بأوقات=يسبح خياله في رحابة يديها

لو(ن) الشعر ينفع بهالقلب مامات=ماتت وروده منهو ينشد عليها

هذاني برحل واترك القلب بآهات=واحلى قصيد اليوم رايح يجيها

سلام ياسلمى عدد عد ساعات=وترى الجفا قصة نويت ابتديها

ماعاد انا اتعرف على بنت من شات=قصه انتهت وانا حقيقه انتهيها

أتمنى أن تصل اليكم
عبدالعزيز الرقابي