ابكتب من لهيب الشوق(بالصوت)

[الطائر المهاجر]

بصوت المنشد خازباز
http://up.ftahilah.com/up/uploads/khazandme/Lheep1.rm


ابكتب من لهيب الشـوق الى من همها امري = جراح الهجر حرّاقه وليل الصمت ما طيقه
اقضّي العمر في غربه بلا شمس وبلا بدري = ظلامٍ دامسٍ حولي بجيش الحزن والضيقه
مشيت وحفيت اقدامي وتاه الدرب ما أدري= أدوّر فجـر واشراقه مثـل باقي مطاليقه
تغيّر كل شي بعدي معاد انتي على خبري = مشيتي بدرب مالي به ولا ادري عن طواريقه
وتبين امشي بنفس الدرب والا تعلني هجري= وانا من يحفظ عهـوده ولا ينسى مواثيقه
مبـادي خذتهـا منك تساعدني على دهري= زرعتيها بقلب الحب تجري في معاليقه
تجيني اليـوم ياحبي تبين اغيّر بفكـري = تقولين الزمن يفرض نساير مع مخاليقه
غريب امرك يحيّرني بعدما فنيت انا عمري= صعيب اليوم انا اتغيّر وشيبي في مفاريقه
اظنّـك طحتي بحب جديـدٍ ماشيٍ عبـري = عطاك وعود كذّابه وشربتي سحر اباريقه
تبرمجتي على فكره ولـو مشّـاك بالقهري = تشوفيني من عيـونه ورق لابد تحريقه
انا حساس من جرحك ولو جرحي نزف بدري= ولو حتى تركتيني وخذتي من مطافيقه
انا حبّيتك ابلا شروط حبّ الطهر للطهري = تعالي بسّ نتفاهم فنصف الحب تشويقه
تعالي واسمعي قلبي وحسي الشوق به يجري= عذاب البعد حطمني بتغريبه وتشريقه
واذا ما ترجعي آسف يمل الصبر من صبري = تحملتك سنين طوال ونهاية حب تعليقه