خل الدموع تهل لين إنها تنش

[الذيب الذيب]

السلام عليكم ورحمة الله وبركاته
اسعد الله اوقاتكم بالخير والمسرات
عدت إليكم بعد إنقطاع بسبب الدراسة وطروف العمل
وهذه قصيدة ارجوا ان نتال رضاكم واستحسانكم.



خل الدموع تهل لين إنها تنش= والدم وسط القلب يفتر ويغوش
على زمان شان به حسدٍ وغش = فيه الكرام إتهان والزين مغشوش
يا ذا المزون اللي سرت برقها يهش = خلت عروق القلب يباس وعطوش
ترا الكلام الزين لروح ينعش =ولا الكلام الشين مخلاب ناتوش
ياناكر المعروف قلي على وش = بدلت معروفي بجحدان وقفوش
ترمي بسهومٍ حامياتٍ لها طش = بين الضلوع الحدب حطّت لها إنقوش
والنبتة الغبرا من عروقها نحش = قبل إنها بالأرض تبني لها عروش
إسمع كلامي كان بك عرق ينقش = ترا الردى مردود والطيب مفروش
لاتكثر النمات تبلش وتبلش= خل النوايا بيض لتشك وتهوش
بسرار خلق الله لا لاتنبش =ياتيك همّ وضيق من كلّ نابوش
أنصى الولي قبل إن دنياك تقرش =ارجه عسى يهديك للخير وتنوش