راحت عليك ..راحت عليك ..

[محمد العسكر]

.
.


بعد .. السنين

اللي غدت

لي برجواك ...!!

ماظن باقي للوفاء

شي يرجيك


خلاص شوف اللي تشوفه لدنياك
ـــــــــــــــــــ انا اعتبرني شخص ماعدت انا اعنيك !!
.
.
.
.
.
..

بعد السنين .. اللي غدت لي .. برجواك= ما ظن باقي .. للوفاء شي .. يرجيك


خلاص .. شوف اللي تشوفه .. لدنياك= انا اعتبرني شخص .. ما عدت انا اعنيك


راحت عليك .. وكل ما فات .. ينعاك = حتى الثرى اللي ( ضم ) يمي خطاويك


كنا نعيش .. بحبنا فوق الافلاك = ارسم لك احلامي .. وترسم امانيك


ايام راحت .. كلها بس .. وياك = ماشوف غيرك .. بالبشر من يساويك


باقصى الحنايا العوج .. شيدت مبناك = ما مر .. في بالي .. يجي يوم اخليك


تذكر زمان ٍ كل .. ماتطلبه جاك = ابعد من حدود ( العطا ) كنت .. معطيك


لا تنتظر .. شوق ٍ مع الوقت .. ناداك = وفر .. كلامك روح .. ماني مناديك


( يالعنبو ) جد الغلا وين .. وداك =اكبر خطا .. لاصرت .. تنسف مباديك


قلبك رفض قلب ٍ على الغير .. بداك= شفت المتاهة .. والعنا .. كلها فيك


صبرت لين الصبر مني .. تعداك = كنت ( اتغاضى ) لين .. بانت مواريك


اطفيت كل اشموع .. حبك بيمناك = بعده امانه كيف .. تصدق لياليك


ماصدقك .. لو قلت هالحين منساك=ذبح المشاعر صار .. فعلك بياديك


هذي النهاية .. مثل ما بعت .. بعناك = الله يسهل .. دربك اللي .. يوديك


ارحل .. ( ودوّر ) مع هل الحب شرواك = قلبي نساك اليوم .. ما عاد يطريك