طواريق الغرام الهلاليه.،.،.،.،.،.،بالصوت

[عبدالعزيز العمار]

http://www.fatahilah.com/up/stamp01.gif

السلام عليكم جميعا ً...

مع حرارة الصيف الملتهب والاجازه الملتهبه

أتواصل مع قلوبكم وأهدي لكم هذه المتواضعه


http://up.fatahilah.com/up//uploads/16350985af.mp3*


*






سرى بي سكون الليل والعين سرحانه=غشاني ظلامه ثم شبيت به ضيه
ألا يانجوم الليل وش فيك سهرانه=ترى ماطرالي النوم والحال مبريه
أنا ساهر ٍ والعين بدموع غرقانه=من اسباب فرقا اللي تركني على الفيّه
تهامل دموعي مثل الامزان هتانه=تركني ولايدري وش اللي حصل فيّه
انا في ضميري ثاير الشوق وبركانه=كواني لهيب الشوق من ناره الحيه
بنا له في قلبي منزل ٍ شيّد اركانه=خجول ٍ جفول ٍ مابعد شفت انا زيّه
وبنا لي في قلبه منزل ٍ صرت سكانه=غمرني بنظراته سحرني بحنيّه
والا من لمحت الزين غنيت بالحانه=واسلهم بهمسات الغرام الرومنسيه
أنادي عليها وارسل الصوت يافلانه=تردد صدى صوتي بكلمات عفويه
أنا له عيوني مرخصات ٍ على شانه=وانا له حياتي ياهل العرف مقضيه
غلاها في قلبي كنه الدم .. وشريانه=غلاها تعدا كل حي ٍ يحب حيّه
ألا ياظمى قلبي ترى الروح ظميانه=ألا واهنا روحي إلى عادت الجيّه
سريت وسرابي الليل في دان يادانه=وأغني طواريق الغرام الهلاليه
أحاول أسلـّي خاطري وامسح احزانه=على مايصيب القلب صابر على الكيه
عبدالعزيز بن سعد العمار
1431هـ