الحظيظ اللي عزوبي منسدح وسط الشعيب ؟

[عبدالله راشد الثويني]

السلام عليكم والرحمه

صبآح / مساء الخير

للتواصل أضعها بين أيديكم لعلها تروق لكم

هذا الله يسلمكم كنت اسولف مع الاهل عن الزواج ما الزواج
ويقول ابوي هالبيت




الحظيظ اللي عزوبي منسدح وسط الشعيب = إيتحرّى ، شلـته ... واللـّـوق متفلـّـته


ورديت عليه بهالبويتات



فالخلا منهو تسدّح ، لا يودّي ولا يجيب = آشهد إنـّـه يالمغنـّـي ، مايداوي علـّـته
الحظيظ اللي ينام الليل بآحضان الحبيب = ماتملل من لقاها ، ، ولا هي ملـّـته
ميـر عزّي للعزوبي كان ماجالـه ، نصيب= لا طرت له نور عينـه من منامه .. تلـّـته
جادل(ن) من زوُد حسنه سهم عينه مايخيب= عن كثير الوصف يكفي من جماله طلـّـته
ذاك هو ، حلم العزوبي يوم غنـّـا .. فالشعيب=لا لقا مضنون عينه.. وش يبي في شلـّـته؟؟؟


وسلامتكم