غصن ٍ تمايل

[احمد القاسم]

السلام عليكم .

حقيقه هذه القصيده نزلت منها ابيات بقسم قطرات .والسبب الرغبه بالمشاركه بالقسم.

واخوي الفاضل داعي الشوق قالي كمل جميلك ياأحمد وزدها كم بيت وانا زدتها واتمنى

ترتقي لذائقتكم .





البارحه قلبي مْن الجادل اتفطـر =امسى ونبضه غدا كنه على ملـه

غصنٍ تمايل ولعروقي به اتشطر= تل الوريد و سرى للقلب ثم تلـه

لو لا الملام ومقام ٍ راح يتحـدر= بعت الحبايب وعيني تسكن امحله

ام الشدوق الي مْن الورد متأثـر= والعين رمشه طويل و واسع ٍ ظله

كنه سنا ابروق ٍ اليا سلهمت نور= واليا سطع بالسما زاد الغما هلـه

كتفه وعنقه كساهم شعر ٍ امشقـر= لاهب نسناس حدر امبيسمه فلـه

مفدور وجهه وطرفه للحلا سير = وخصره نحيل ٍ كما سيف ٍ به اتسله

والنهد سلطان فوق العرش يتأمر = وياوجد عيني على لبس ٍ كمالفله

الى مشت فوق الارض الممحله خضر = نبت ٍ يضوع الشذى والعنبر ايفله

مدت جسور الغرام ابقلب ٍ اتخدر = واقفت تسوق الخفوق وداخلي كله