يــا كامـل الزيــن لا تنـشـد عن احــوالي

[داعي الشوق]

يا كامل الزين لا تنشد عن احوالي = احوال غاليك كل يومٍ لها حاله

النار في مهجتي و تشعل شعالي = طال انتظاري و نار الحب قتاله

العمر يمضي واشوف غيابكم طالي = يازين ليتك تشوف الحال وش جاله

اقضّي الوقت بين الآم و امالي = والحال متكدر و في نقص كل ماله

مما جرالي كتبت اللي تهيالي = اشكي عذاب الهوى و الحب وافعاله

صحيح راع الهوى في ضيم واهوالي = ما همـّـه الا يداري ناس عذاله

والوصل و القرب مع محبوبه الغالي = هو غايته و الأمل لو كان ما ناله

اسرار قلبه يقفلها بالاقفالي = كم عاشقٍ عاش و مات السر في باله

معلوم خلي سبب همي و غربالي = مسكين قلب العناء و الحال عزاله