لاتحسبي انك فريده بدنياك

[عيدالماجد]

لاتحسبي انك فريده بدنياك = مثلك مثل غيرك وهذي الحقيقه
المختلف بس انني كنت اهواك =واشوفك اجمل من ورود الحديقه
الله عطى غيرك مثل ماهو اعطاك = عطاه شامل ليجميع الخليقه
كم قلت حبيتك وكم قلت افداك= حاولت ماخليتلك اي طريقه
قاسيت من ظلمك ولاقلت انساك = حتى امتلا قلبي هموم وضيقه
مااقدرت اصبر اه يابنت مااقساك= كنت احسبك اول زمانك رقيقه
غرور نفسك ضيع الحب واعماك = وصرتي مابين امواج غدرك غريقه
غرك جمالك شوفي بس وين وداك = طعتي الغرور اللي مشيتي بطريقه
خسرتي قلب حبك بصدق واغلاك = علاك ليحد النجوم البريقه
واليوم من بعد التعب هذا وذاك = مليت من حبك ولاعدت اطيقه
وبرغبتي ببعد عن دروبها اخطاك= وماانكر ان قلبي غدا كالحريقه
لكن بحاول اجبر كسوري اهناك = وانساك وانسى كل جروحي العتيقه