وين انت !! ؟؟

[شجون القصيد]

.

. .

. . .



دورت في ضيقتي عن صاحبٍ غالي = وقت الرخا كان جنبي مايخليني
قمت اتلفت ودمع العين همالي = والدم كنه توقف في شراييني
وين انت ياللي وجودك قمة امالي = وهمساتك اللي عن همومي تسليني
وين انت قلي متى باشوفك قبالي = احتجتك اليوم اكثر من نظر عيني
الكون موحش وانا غامرت بلحالي = غيرك تركته احسب انك تخاويني
صديت عني وانا اللي منشغل بالي = مااشوف بالناس غيرك يامعنيني
القلب عنّك ولا داله ولا سالي = شيدت لك داخله قصر وبساتيني
تعال شفني عقب فرقاك وش حالي = الروح ضاقت وهم البعد طاويني
يروح ليلي وانا احاتيك عزالي = وانتا ولا انتا هنا والصد مشقيني
ارحل بامان الولي لاعاد تصفالي = ماهيب من عادتي طرد المقفيني