العين تشقى

[حمود السكراني]

أمس العصر من شيء قلبي هجس شي =والعين تشقى لعترض شيء راقي
---
رد العقل بالهون ياطالب الفي=مالك بعين اللي عرض لك مذاقي
---
لدام عمرك ترفضه كشخة الزي=وش عاد لوشدك غنوجٍ رقاقي
___
قلت الوداع ياهي بوداعة الحي=توديع فرقى مابعدها تلاقي
---
يانفس كم انهاك عن مسرح الغي=يالله السلامة كان بالعمر باقي
---
ياشيب من شيبٍ طوى عارضي طي=لوجيت باخبيه ماله متاقي
---
وانا ادري ان بالناس من فيه مافي=نازع مراقه مثل نزعة مراقي
---
لاقيل لك ياعم مـن بعد يابني=محدٍ يبي من نبع قلبك مساقي
---
وش عاد يوم انك تشقيت من هي=ماجاد به عرفك عن الغي واقي
---
بين الحصاد وبين تبشيرة الني=ماحال مابين اليمن والعراقي----