زمنّـــــــا

[سهيل الشمري]

ادلهمّت فوقنا مزن الكآبه =وامطرتنا لين خلتنا شظايا
يازمن مالك على قتل المهابه ؟ =ليه تقطع عرْق نافين الخطايا
وقتنا مالك على سجن الذيابه؟ =ليه حصنيها تأمّر للسرايا
واشقر الجنحان يشكي من غرابه =حلّ منزاله وسوا به سوايا
ياقهر هذا الزمن زدْت التهابه =نارٍ اجتالت ورا سبع الحنايا
آه ياسيفٍ بكى داخل جرابه =يحتري ساعه بها يِحْضِر منايا
يوفي ديونٍ من رموز الخيابه =ويقطع لدابر رديّين السجايا
يازمنّا واسألك عجّل طبابه =الجروح سمان تشكيها خفايا
والمرام يسائلك سرْع الاجابه =يازمنّا كم له اقدامٍ حفايا
انصف المظلوم رجّع له شبابه =بلّ ريقه واسْكت جروحٍ عوايا
ايه ياوقت القهر بدّل سرابه =في غديرٍ له صناديدٍ ظمايا
سهيل