تبكيك عين الطيب خالي تزاييـد

[عمر ال شيبي]

مرثيه بالمرحوم خالي غمده الله جنانه
من سكان اقرية سالم =سحاب
وانا لله وانا اليه راجعون




سميت بسـم الله مبـْدا التِواحيـد=فيكم رحاب الخير جمع الغوالـي
تبكيك عين الطيب خالي تزاييـد=تبكيك عين الحر مثنىْ الوصالـي
فيكم صفات اللي حلاهـا تواكيـد=فيكم وفيكـم كـم عرفنـا مثالـي
فالصقر يعلا والشواهق تجاريـد=ولكل يدريْ الموت حقّ النِوالـي
كاس ٍ شريب الناس لامن مواعيد=دور الرحـا دوّْار كلـن رحالـي
الله يعين الروح وقـت المجاليـد=لحذيتها بالخيـر تلقـى حلالـي
وانتم رحيب الناس شهد الصناديـد=افعالكم بالطيـب عـد ٍ خصالـي
افعالكم حشمات وسـط الفراييـد=فيها سنين الشيب تحكيْ الفعالـي
يا ما لقيت اجموع خيلكم تجاديـد=لاجل الغريب البيت رحب القبالي
لاجل القريب الحن فيكم لنا عيـد=هذا رفاد الحـق قولـة خوالـي
يا ما عنيت الدرب لاْمي مساعيد=يا ما لقيت النور بسمـك يلالـي
يا ما ضحيت اشعاع لجل الزواهيد=يا ما وصلت الرحم وصلك تجالي
الله يكون بعون سـرب المناشيـد=طير ٍ لها المرقاب فيك الظلالـي
فدواك مزن الغيم يـوم التحاريـد=شرواك رفق الذيب ما من خيالي
واستغفر الله من خواتـم مجاهيـد=قولن لنا بالطيب حـق الغوالـي
والفي صلاة ٍ من نقاياْ المراشيـد=والفي سلامن راعيـات الحمالـي
للفاتـح الامـي ختـم المحاميـد=احمد حميد الحمد فضل الفضالـي
5 - 4-2010