سحر العيـــــــــــــــون

[عبدالعزيز البليهد]

متواضعه كان لها شرف النقد من الفطاحلة
وعدلت عليها بناء على آراء الاساتذه
آمل ان ترتقي لذائقتكم
***
:
:
:

ياصاحبي لا مايعود الماضي=اغنم زمانك لايفوتك لحظه
خلك سموح البال وكن متغاضي=خذ ماتهيا وارتفع عن بعضه
الخلق ماتسلم من الامراضي=والرابح الي مايخلي فرضه
وترا الشباب ان راح ماينعاضي=يسري طموحك بين حلم ويقظه
الادمي مشغول لو هو فاضي=كلٍ يدابك تشتكي منه ارضه
وإلا الهواء حتى الهواء له قاضي!=العشق حتى العشق باول ومضه
الولف يتعب خافقٍ فضفاضي=يسلب شعوره ثم يكتم نبضه
الحب حده بالمولع ماضي=سحر العيون ..اللـــه مااصعب نقضه
خذ بالسبايب واقتنع كن راضي=اسعد حياتك تاليتها غمضه