سلام الرمش ما يتبع

[عمر ال شيبي]

سمعت بصوتها دايم اهوجس واختلي فيها=ضحك لي مبسم ٍهايم على ثغر الحنا والشوق
نسيت ابها معاناتي مدام الحلم باديها=خمس وردات في خمس ٍ تلامس روحنا والروق
مزيجا من صفا نظره برق حاني وصافيها=تقول اشتاق لك عمري بلاها هاجسي والذوق
سكن بين الثنايا وْاه من همسة شفا فيها=تقول اني ملح ذايب بشط الغير مال ِحْقوق
مدام انّي صخر واقسى غيابي هجر راسيها= كاني مجرم ٍ ساحر أرافق باليات السوق
وانا عذري صمت قلبي بشط الوهم ماجيها=ذرفت الدمع همال ٍ غصب ما عاد لينا ابروق
وانا كنت الهوى كله سعيد ٍ كنت راضيها=مع الايام في فج النهار وشمسنا بشروق
كرهت الحال من حالة هواجسها وناديها=كتمت بداخلي هم ٍ كُبُر لاْطويق ويا ارهوق
تعدت من شرايني نبض نبضات هاديها=سلام ٍ من توالي قلب هايم بالغلا مفروق
مبين القلب وفكاري توالف من حراويها = الين اني اسلمها مفاتيح العشق وعشوق
سلام العين ما تشبع مدام اني غناويها=سلام الرمش ما يتبع خطاوي عاشق ٍ محروق