محبوب عيني لو ضحك أو تبسم.....جلال

[جلال ابراهيم الصبيح]

محبوب عيني لو ضحك أو تبسم = ينزل مع الضحكة عنب يانع و تين
محبوب عيني إن سكت أو تكلم = تسمع من سكاته أغاني و تلاحين
لبيه يا موطأ قدمه ان تقدم = صاغت من التربه ذهب لامع و زين
منه الورد بث العطر قد تعلم = هو منبع الطيب و أمير المزايين
ويش الغلط لو قلت عاشق ومغرم = واموت بالي شدني اعوام وسنين
مهما يجور الدهر وان هو تأزم = نبقى أنا و محبوب عيني وليفين
ما ينتهي عشق المحب لو تألم = وما يختلف بالحب يا سيدي اثنين
يقول ميت فيك واقول تسلم = قلبي و خذيته يا حلو وش تبي الحين
لو قلت عاشق! وش يقول المتيم؟=اللي حياته من غرامك بساتين
أشعل لك العشر الأصابع ولملم = من كل أنواع الورد والرياحين
مرتاح قلبك في عيوني منعم = وانا فؤادي ملوعٍ فوق نارين
لكن قلبي منك اظنه تحطم=لاني بحبك والله احتاج قلبين