ابي انسى

[عمر ال شيبي]

ابي انسى


أبي ابكي على صدرك حنيني=أبي أنسى هموم ٍ لك زياره
ترى ملّيت من كثره المغيبي=وأنا للشوق مرسولي شراره
بداية نار من جمرك غدابي=زهات العين والجود انتظاره
أشوفك ساعة الوجدان يسري=مثل قمر ٍ بوسط الليل ساره
سرى ليلي وليل المد حالم=بعطر الورد من قربك نثاره
على طيات خدك ما نقاوم=رهافة حس همساتك إماره
لأنك قلب من صافي ربيتك =لأنك روح ما تحسن فراره
لأنك حب من نهر رويتك =لأنك زهرة البستان شاره
على صدق المشاعر لو عنيتي=معاني الود مكتوبه بْحراره
احبك كيف فنجالك وجاني=مليح العين من صبة مهاره
وعيش بحلة الأشجان وانثر=قصيد اليوم من فكري مناره
اهوجس للغلا تكفى غروبي=تعالا ومسح الدمعات داره
ترى طال انتظاري وانشغالي=بعيد العين عن قلبي خساره
خساره يا بعد قلبي نجيتك = تعود العود من حمد العباره
سهارى والعيون الها تداره =بعد ما نامت الدنيا سهاره
على التوفيق من رب العبادي= نقول الحمد لله اختياره
معاد اقسى على نفسي تعاند = ابي اشرب عطاش العين تاره