كم شاعرٍ ماله مع الحب مصلوح !

[شجون القصيد]

.

. .

. . .


الصبر ماهو دايمٍ يبري جروح = يمكن تموت بعلتك وانت صابر
وانا دخيل الله في عالم النوح = لي قصةٍ جفت عليها المحابر
اصبر على عثرات وقتي ولا ابوح = حتى لو بهمي تضيق المخابر
اسهر وانا دمعي على الخد مسفوح = واقول ياجرحي ترا الوقت جابر
وابسم وصدري فايحٍ بالشقا فوح = لاشفت لي زول على العين عابر
واكره بشر من قال سامح ومسموح = مليت اسامح واتحمّل واكابر
واليوم عني ياصبر ابعد وروح = بشكي همومي فوق سطح المنابر
يمكن يحن ليا سمع صرخة الروح = ويداوي اللي في وصاله مثابر
لاحدٍ يصدق ماكتبته على اللوح = انا اشهد انه تمتمات السوابر
كم شاعرٍ ماله مع الحب مصلوح = يشكي وقبله كابرٍ خلف كابر
يقول انا قلبي من الشوق مذبوح = واخشى على نفسي تزور المقابر
شاعر وهايم بين وديان وسفوح = تمطر سماه وجو دنياك غابر
وانا كتبت لمتعة الحرف بوضوح = ومالي مع العشاق بالحب دابر