قصيدة صوني جمالك

[سعيد عوده الحويطي]

الاخوة اعضاء وزوار منتدى الفطاحلة الكرام يشرفني ان اشارككم بهذه القصيدة على امل ان تنال اعجابكم واستحسانكم

صوني جمالك


صوني الجمال عن الخليقه وخفيه = خوف العيون اللي تشوفه تضره
الله عطاك من الحلا كل مافيه = ولاعاد ينقص لك من الزين ذره
الشايب اللي في جمالك فتنتيه = افتر قلب العود مليون فره
ورجعتني لوقتا مضى كنت ناسيه = وقتا مضالي ذقت حلوه ومره
لكن انا باسألك ياكامل التيه = مادمت انا ودي عليك اتشره
هذا الجمال من الطبيعه كسبتيه = والا ان بعض من الكوافير مره
قالت انا احمد ربي اللي عطانيه = هذا الجمال اللي بشوفه مسره
انا جمالي مادخل فيه تشويه = ولانعرف المكياج خيره وشره
هذا جمال البدو ياجاهلا فيه = ماغيره برد الصحاري وحره
بالدين والعفه نحفظه ونحميه = والعفو كنك شفت مني مغره
قلت العفو يابنت وربا خلقنيه = انك عفيفه حرتا بنت حره
ماغير شوف العين ماني مثنيه = والله سمح للعين بالشوف مره
الله يحفظك من زمانك ومافيه = ومن ادبك يابنت لله دره

الشاعر / سعيد عوده شداد الحويطي