الصحبه

[عبدالعزيز البليهد]

بعض البشر لاعطيته وجه من طيبك= لوّح على غاربك واودعك ملعابه

حذراك شين الطبــــايع لايعشي بك= كن حــــــازمٍ بالجفــــــا خلك تغدابه

ترا الردي بالخفـــــا يبحث عذاريبك= ويظهرلك الود كنك غالي اصحابه

الله يقلع رفـــيقٍ فيه مايريــــــــــــبك= لارده الله ولا شــــــــرواه من لابه

وحيــــالله الي يحــس بكل مايصيبك= لاغبت يقلق عليك وتتعب اعصابه

لاهنت حطه على يمنى منـــــــاجيبك= قدره على الراس واخوٍ ربنا جابه

النــــاس مخبر ومظهر فيك وبجيبك = والتجربه ماتخيب عقل من صابه

الصحبــــة الطيبه يستــــاهله طيبك= بيض النوايا يضوع الخير جلبابه