اعتذار

[عيدالماجد]

اخدعتنا انا وانت اضحكت فعلا علينا =فرقتنا ثم راحت تحتفل بالانتصار

يوم صدقنا حكيها وكل صداقتنا نسينا= صرنا لعبه في كفوف كم سقتنا من المرار
اوهمتنا انها فينا معجبه وتذوب فينا = وزرعت فينا حقدها والمشاكل والدمار
انخدعنا ايه فعلا اعتقدنا انها تبينا= وهي كانت اتسلى وللاسف كنا صغار
ليه صدقنا كلامك ليه في دربك مشينا = كيف مافي فينا عاقل اكتشف ذاك اللي صار
ياصديقي لاتضايق خلنا نكمل حكينا = خلنا اصحاب نرجع مثل ماكنا كبار
ماتحركنا المصايب ولالدهر وقاسي سنينه = ولو تغيرنا الظروف اقلوبنا تبقى عمار
لاتعاني لاتلوم القلب ليه اعطى حنينه = ولاتعيش العمر كله بين حزن وانكسار
ليه تحزن ليه تزعل وليه بس نفسك حزينه = بعدها الدنيا جميله لاتظن فات القطار
لانضيع هالصداقه هذي الدره الثمينه =خلنا نحافظ عليها من الزمن والانهيار
واخر الابيات اسف وصلي عالهادي نبينا = اعتذاري جيت اقدمه وادري تقبل الاعتذار