كان فيه ارنب تطارد للحصاني

[الطائر المهاجر]

كان فيه ارنب تطارد للحصاني = وكل منهم مسرعٍ طاير غباره
ما معاها سيف او رمحٍ يماني = بفكرها تعرج وتركض باستداره
شافها ذيبٍ من ازمانه يعاني = قال وش بك قالت اترك للخفاره
قال انا خايف عليك من الأماني= او حلوم الليل لا اسدل ستاره
الفكر يجبر وتمشين بأماني = فاتركي هالدرب مليانٍ حجاره
قالت ان الوقت بهمومه شواني= وقلت ابلحق من مشى درب الحضاره
غير شفت الليل في دربي ضواني= كل شمعه تنطفي لو هي طراره
مادرت بان الحضاره شي ثاني= والتحرر خطر لازاد انحداره
التحرر بالعقل قبل اللساني= ومعرفة وشلون نركض في جساره
في يدينا سلاح واضح للعياني = حافظٍ للذات والعقل بجداره
من تمسك به مشى بكل اتزاني= ومن تخلا عنه يبشر بانكساره
ورزقنا مضمون ما يبغى ضماني= من الهٍ يرزق الطير وصغاره
فليش نستعجل ونركض للهواني= ما نثمن للعواقب والخساره