من قديمي المتواضع

[عبدالعزيز ابراهيم المنصور]

لا واهني اللي من الهم خالي=ماهو بمثلي يحترق في همومه
بيت ً قديم قد سمعته يقالي=والمبتلي أخطيت ياللي تلومه
شي شغلني واتعب اليوم حالي=والعين عافت من هوى العشق نومه
قبل الهوى والحب داله وسالي=واليوم حالي من شقاي معدومه
حبيت لي شخص ٍ كثير الدلالي=من زود رغده راوي ٍ بالنعومه
اسهر طوال الليل لامن طرالي=وابدا تذكر في خيالي رسومه
ياما شكيت الآه مما جرالي=ومشاعري غصب ٍ عليه تلومه
ما اذكره في يوم حن وصفالي=اذكر سقاني بس مره سمومه
الحب شي كبير وصعب ٍ يطالي=مثل البحر ماكل واحد يعومه
ومدام انا اهواه وهو مايبالي=احسن لي بس انساه وانسى همومه

أتمنى أن تحوز على رضاكم