مثل الفواكة ..

[حسن الشريفي]

إلى الملكة .. بنت المملكة ..
إلى كل سعودية ..



مثل الفواكه



النساء .. مثل الفواكه في اختـلاف=طعْـمـها .. واشكـالـها .. والوانـها

حلْو حاليـها .. وحامضـها يـعـــاف=لو تدلّت لك .. بـهــون اغصــانـها

كلّهـا نـعـمــه .. ولا فيـها خــلاف =وفـرْقـها .. بتْــرابـها .. واوطــانـها

فاكهه رطبه .. واخرى في جفاف=ومـوزهـا .. ماهـو مثـلْ رمّــانـها

والحظيـظ اللي تخـيّر في القطـاف=ماقطـفـها .. من طــرف وديـانـها

بنت منْبتها .. على طيْب وعفـاف=صـاينــه بالدّين .. من هـو صـانها

قاصرة طـرف .. وْيكفّيـها الكفـاف=وراجـحـه من ثقلـهـا .. باوزانـها

وبنت من ضمن البنات اللي خفاف =نفـســها هـانت .. وكــل ٍ هـــانـها

بحْـرها .. ماله حــدود ولا ضفـاف =والخيــانـه .. سـاكنــه .. باجـفــانها

والسعــوديـّة .. عليها .. لا تخــاف=رافـعــه بالعـزّ .. روس اخــوانها

من حياها لا حكت .. فيها ارتجـاف=تخجـل الكلـمـه .. وهـي بلســانها

طاهره .. بيض ٍ شراشفـها نظــاف=في الهوى .. ما طاوعت شيـطانها

طيْب عشرتها .. وسمعتـها تضـاف=في رصيـد اهـل الشــرف جـدّانـها





حسن القحطاني ..
2009