رسالة سعودية عاجلة

[محمد الوايلي]

رسالة سعودية عاجلة



إهجعي يا بلادي وأبشري بالسلامه=دونك مّن الحميه من يرد الطلايب

لا وصلنا حــــــدودك وأعتلينا تهـــــــامه =والله إن تقصر إيدين الرداء والزلايب

إقذفي يا قنا البندق وغطي الغمامه =لا يردك عجاج الغزو دون الحرايب

يا بلادي رقيتي فوق قمه وهامه =لا تعدي حدودك ذاريات الخرايب

كل شبر ٍ بقاعك في خفوقي علامه =إفتحي باب تجنيدك ونسعى كتايب

يا أبو متعب تحزم بالفشق والزعامه =يا حليف الظفر في سلم وإلا نوايب

عاصف الجول دونك والكرم والشهامه =لا يهمك تقدم بالصدور الرحايب

جند الشعب كله في حماكم كرامه =المره في وطنا بألف رجال عايب

من نوانا تعثر وألعبي يالحمامه =من دخان الجبل ليحد دار القرايب

يا كبير التمني للتمني غرامه =جيت طمعان فينــــا واللـحــد له نصـايب
أبشر بما تبي من طــــــــــايرات الفخامه =إف راس الغضب منها تضيق السحايب

تلهم الـــــــــرهط كله من صقور ونعامه =ما تميز رخيم الصوت وإلا الهبايب

وأبشر براس جثري ما يّعقب كلامه =لا نطق والله إن ترغي جميع الصعايب

ما عرفنا التخاذل ما عرفنا الندامه =من خِلقنا وحنا للزعامه ربايب

ندحر الريب وإنخّسه ونقطع لجامه =وندهل الطيب من عهد ٍ بعيد الحقايب

يا بلادي سلمتي وأبشري بالسلامه =وإرقدي وإستتبي بين برث وصحايب


وسلامتكم جميع