دمـــــوع القلب

[سيد الحرف]

بسم الله الرحمن الرحيم
السلام عليكم ورحمة الله وبركاته
اضع بين ايديكم قصيده جديده
واتمنى ان تروق لكم وكل عام وانتم بالف خير

بكى قلبي قبل عيني وهلت دمعته بسكات=وقلت ايش فيك يا قلبي نحيل وتكسر الخاطر
فقال الشمس غابت وانتظر منها خبر ماجات=وحتى البدر عيت لاتطوله مدة الناظر
سنينٍ جمعتنا كنها مرت بنا ساعات=ولكن قدرة المولى هو الرحمن والقادر
امانه يوم توصلك الرساله كفكف العبرات=ترى دنيانا ما تسوى دموعٍ كنها الماطر
امانه نفسك وروحك تصونيها من الزلات=امانه لا يغرك ناس تشوفي فيهم الظاهر
تجرعت المراره كاس ورى كاسٍ ورى كاسات=وصرت بقسوة الدنيا مثل في ذا الزمن نادر
صرخت بصوتي العالي وعوًد لي الصدأ هيهات=سواء صحت او ما صحت تراك بدنيتك خاسر
عشقت ومرت الذكرى علًي البارحه أنات=ومت بحبها وآنا اقول اهواك يا الغادر
ولكن بسمة الدنيا , رحيق الزهر , و الوردات=توارت عن عيوني اليوم وكنها حلمي الباهر
وطارت مع حمام ابيض وغنى الغيم والنجمات=وانا غنيت وياهم , وداعا صاحب مسافر
وصار الجرح بي غاير , وصارت فرحتي لحظات=و تمنيت العيون تنام وينعم بعدها الساهر
فلا تسالني ليش ابكي مدامك تحمل الحسرات=ولا تسالني ليش آنا نحيل واكسر الخاطر