العقد

[حمود السكراني]

في مدخل السوق تشكي حظها العاثر=
تدعي على عقدها يوم قامت ا تلمه=

قلت السبب ماهو عقدك نهدك الزابر=
لاتظلمي سلك فيه احبوب ملتمه=

انا بغيت ان فرط ياذابل الناظر=
وشلون عقدك يلامس نهد ويضمه=

شتت فكري وانا في دنيتي عابر=
عاد كيف عقدك يحطه حين ويزمه=

من كان مثلك وجــوده بالبشرنادر=
ولا ترى القلب بعض الناس ماهمه=

صُبرت نفسي وعيا القـلب لايصابر=
ياليتني العقد دامك فيه مهتمه=

كم أشغل العين شذة طرفك الفــاتر=
وخدٍ به الفل خالط ورد في دمه=

وجسمٍ توسط لا هو بزايد ولاقاصر=
لا هو نحيلٍٍٍ او لا هو فاحش ابكمه=

ولاجديلٍ تلحف خصرك الضامر=
غطى الردايف اولامس ساق مبترمة=

يقطعه عقدك يبي يضيق لك الخاطر=
ويفداك مـليون عقدٍ مثله ا و سمه=

لايهمك العقد بفراقك هو الخاسر=
لو كنت انا العقد ما روحت من يمه=