البارحـــه

[سعود العضياني]

بسم الله الرحمن الرحيم

السلام عليكم ورحمة الله وبركاته

يسعد الله أوقاتكم بالخير والعافيه

أخوتي

لتواصل المستمر معاكم

اطرح هذه الابيات امل ان تنال على رضاكم


البارحة حالي سوات الخفيري=الي على حرس المعدات محطوط
جلست لين الصبح مغفا نظيري= كن السهر في وسط الأعيان مربوط
أون ون مشابه(ن) للكسيري= والا كما المسجون من ضربة السوط
على الذي مر وتعدا عصيري = ساعة نظرته كنني ضاربن شوط
صغير سن ومبسمة مستديري = وريح الخزامى والنفل فيه مخلوط
نجل العيون وخشم مثل الشطيري= وحويجبن كنه بالأيمان مخطوط
أغنج غنج بالزين ماله خشيري = ضابط مضبط كل مافيه مضبوط
حلو(ن) حلا حالي وحلوه كثيري= مالك ملك في عالم الزين بشروط
أشروط مشروطه لحكم الأميري = يملك دلع والزين فالزين مفروط
وأنا أشهد أنماهو بهاذي فقيري = الا غني زينه وحاط الدلع حوط
من يوم شفته ضقت ماني بخيري = كني سوات الي بالأرماح منبوط
جرحه دمي يبغا طبيبن يشيري = لدواه عل أدواه ماهوب مغلوط
وأنا نصيب اللي لجرحي خبيري = ساطي عسى ساطي مع الوقت مبسوط
أشكي عليه الحاله حيثه خبيري= وحيثه يعرف الحب وفي بحره ايغوط
ياليت أبن جمحان يمي يغيري = بالراي عل الراي ماهوب مغلوط

وسلامتكم