الشــــــامه

[سيد الحرف]

السلام عليكم ورحمة الله وبركاته





عوده اليكم بجديدي الذي اتمنى ان يرضيكم


فديت الناعسات اللي حداها تحته الشامه=تحاكيني وانا كني بليد مضيع دروسه
قنابل شوق موقوته ، جنون الحب والغامه=بوسط القلب اخفيها مشاعر بس مكدوسه
وشفتك قد نبشتيها بخد وقدٍ وقامه=مابين الجنب لين الجنب خلايا حب متروسه
غدا كل المكان انتي وقلبي زاد بهيامه=ومعيار الحذر عندي يصيح وما اسمع جروسه
غراب البين لا تنعق رقا فكري بهندامه=تقلع ماني بسيبك جزاك الله يا السوسه
جنون الفكر افزع لي ، عبير الشعر وإلهامه=ترفرف في سماء قلبي تثير انفاس محبوسه
على اسوار الضلوع تحط تبلغ قلبي باعدامه=وترسل له جيوش الرمش وسهم المحجر وقوسه
تحل القلب وتضله ابو نهدين هدامه=كثير من ضحاياها هذا تشوته وذا تدوسه
وفكري من وجع قلبي يثور يبعثر اقلامه= ويروي قصة قلوبٍ بدرب العشق منحوسه
ويروي سالفة قلبٍ يهيم وكيف درهامه=ليا منك ضحكتي له يضيع ويرمي عبوسه
يخبر عن قلوب سباع ابد ما تحني الهامه=يا كيف تذل من فعل الضبا ويصيبها حوسه
يخبر عنك يا طب العليل ومنتهى احلامه=يا كيف ان غبتي عن عينه يعيش بنفس ميؤسه
تعالي فرًحي قلبٍ جهل ذنبه واجرامه=تعالي شوفي بوسطه سهومك كيف مغروسه
وربي لو يصاب إبها اليهودي اعلن اسلامه=ويبكي عاذلي لا شافني وتطقطق ضروسه
شياطين الفكر قالت ، حنًا له وخدامه=مدامه قد منحنا طلةٍ ما هيب مبؤسه
هذا انتي حسن طاغي بخد وقدٍ وشامه=وهذا آنا لو تحاكيني بليد مضيع دروسه
[/poem]