كلما فكرت في الحياة

[الطائر المهاجر]

كيبورديه


كلما فكرت في هذي الحياة = التقيها ماتساوي للكبد
ولاتساوي ركض من اجل الغنات= ولا تساوي جاه او كثر الولد
فاقتنع فيها وسايرها بثبات = باعتدالٍ في طريقك لاتحد
مدرك انك راحلٍ عند الوفاة= تارك اللي جامعه مهما تلد
غير ذكرى طيبه مثل النبات= مع مرور الوقت يأتي بالمرد
ابتسم واضحك وهات من النكات=وموت لقلبك فلا حزن ونكد
ولا تشيل هموم لو هي صاغرات= مابيدك الحل مهما تجتهد
سلم بأمرك لرب الكائنات= فالمقدر واقعٍ مهما ابتعد
رزقك اللي ضامنه جزل الهبات= ياصلك لو كنت في صحرا وصهد
فلا تذل النفس من اجل الفتات= عند من بابه اذا شافك وصد
عش بعزة نفس ما تعرف دناة = فالكرامه كنز يازن بالبلد
يحترمك الناس في كل الجهات= يحسبونك تاجرٍ عايش رغد
ودام هذا الوقت غير في السمات=وضيع حقوق اللي ضعيفٍ واستبد
فاكشخ بملبسك واظهر كالسراة= من يشوفك شاف بعيونك اسد
ونجّخ بهرجك ونق المفردات= ولا نشدك الناس عن شغلك تحد
بجملة وحده بلا رد وغطات= عند من طال عمره لي سند
ولا ضغطك اللي يبي واو ورشات= فخل جوالك يرن ولا ترد
ثم كلم وانت في خوف القطاة= سم حاضر طال عمرك للأبد
فهلوه تمشي ولافيها غباة = ومن له حيله فلا يذخر ابد
دامنا في وقت ماعنّك خفاة= دون واو وظهر حبلك من مسد