اذكـــــريني

[فارس القوافي]

كسر روحي مو مثل كسر العظام = تبطي سنين العمر ماتـــــــــجبره

مابكيتك يازمـــــــــــاني من عدام = شقـّق الخافق جروح ومــــــجزره

وسط قلبي نار وبـــــــعيني ظلام = عيشتي قشرا وفـــــــــيها دهوره

من ذنوبي انحرم حــــــتى المنام = كلّي اوهامٍ وكــــــلّي بـــــــــعثره

ليت دمعي مافضـــــحني والهيام = وما غمســـتك يالقلم فالمحبره

برحل اللــــيله قبل مانهي الكلام = بترك الكلمـــــــات عندك تذكره

اذكريني لنقضت عشرين عام = واذكري حبٍ قدرنا نهــــــــجره

صرت انا الظالم بعينك ياحـرام = ليه انا المــــجرم وحبي اغدره

لاتناديني بدعــــــــــوى واتّهام = جعل قلبٍ خان بـــــــيدي اقبره

الندم مكتوب في كف انــــــتقام = والزمن عثره تقابلها اعــــثره

ان قدرتي تكـــــتبي كلمة غرام = اكتبيها واذرفي معــْـــها اعبره

وان نسيتيني وسط دنيا الزحـام = طالعيني في زوايا المنظــــره

بحرق اوراقك ولك كل احترام = هذا انا راحل ومنك المــــعذره