فرحة لقانا

[منصور بن ملك]

ماقدرت اداري لهفتي من فرحتـي عنـد اللقـا"="خايف تحس بلوعتي تبعد عن اعيونـي قليـل
قلبي الوفي فز وقفـز طـار وتمـادى وارتقـا"="حلـق وعنـي ابتعـد حسيـت بالدنيـا تميـل
اهلين وارحب ياهلا لـك فـي عيونـي بارقـا"="هلي عيوني للفـرح امطـار بخـدودي تسيـل
اشلون اوقف خطوتي نهر وسرى بـه زورقـا"="مسرى طيور(ن) هاجرت من موسم البرد الثقيل
مابين نجمات وقمر الشمـس كانـت تشرقـا"="من طل وجهك والافق بالنور مـا مثلـه مثيـل
قابلت من له بالجسـد بستـان مثمـر مورقـا"="واقبلت وبروحي غلا والحب اشجـار ونخيـل
ظميت من نظّم فصول الحـب وايـام الشقـا"="وارويت روحه في ليالي الشوق واطفاني فتيـل
محلى جمال الروح في طبعه حسن منـه استقـا"="باقة ادب سجع السوالف مـن لسانـه سلسبيـل
لو كان بيدي اوصفه اصبحت ساحر عاشقا"="ما اوفيت وصفي وانقلب سحري وضيّعت الدليل
حتى وعيني بارده سميـت باللـي يخلقـا"="عليه من عين اجدبت من فوقنا عيـن المخيـل
وين انت ياعاذل طريق الحب حطّب واحرقـا"="نارك يزود حرها ريح الوفا الدافـي الاصيـل
ظلين فـي روح التقـت ظلـي وظـل تعانقـا"="من وين ماظله يجي ظلـي معـا ظلـه يميـل
برجيه لو صادف عـذول السمـع لالايسرقـا"="ماشاقني غيره ولا فـي دنيتـي غيـره بديـل
تبقى بقلبي لهفتي هـي فرحتـي عنـد اللقـا"="احساس يغشانـي اذا شفتـك حبيبـي لوقليـل