ياللي تمنّى دنيتك تصبح بخير

[عذب القوافي]

--(( ياللي تمنّى دنيتك تصبح بخير ))--

ياللي تمّنى دنيتك تصبح بخير=أحفظ صلاتك كان تيغى الفلاحي
أد الفروض الخمس من غير تأخير=تقضي حياتك كلها بإرتياحي
ولايلحقك في والدك أي تقصير=والأم من برّه تقّلد وشاحي
والجار له حقّ(ن)وحشمه وتقدير=ومن لايحشم الجار ماهوب صاحي
وترى التواضع يرفع كبير وصغير=والكبر ريشه طايره بالرياحي
ولا تصحب الأنذال نفّاخت الكير=أبعد عن اللي ماتعرف السماحي
رافق كريم ٍ مايحسب المخاسير=ماهو من اللي لا أظلم الوقت راحي
على دروب المرجله دايم يسير=يكره يشوف أهل النفوس الشحاحي
إلى تكلّم يدهشك بالتعابير=وترى المراجل للنشاما سلاحي
وصل القرابه كان تبغى التباشير=والنفس تبغى للتروّض كفاحي
أطلب من اللي كاسي الريش للطير=إنه يحفظك بالمساء والصباحي
واللي مقّدر يارجل رايح ييصير=دنيا ً نعيشه والعمر بنزياحي

تقديري للجميع ,,,,,,
10-10-1430هـ