الـلـه يـصبــرنـي على اللي جــرآآلـي ""

[داعي الشوق]

http://www.mo3afa.com/fasel/f65.gif
[ قصيدة مباشرة ،، من وهج الخيآآل ]




يحفْظك ربي يا بعد كل غالي = ياللي سكنت ديار ناسٍ بعيدين

شوقي عليكم زاد يا بعْد حالي = حــرّق فؤادي وشب بالقلب نارين

طيفك يزاورني و ياما طرالي = ما غاب عني يا منى الروح والعين

الله يصبرني على اللي جرالي = الله يصبرني على فراق غالين

ماعاد لي قدرة ولا لي احتمالي = على الفراق الله يساعدني ويعين

أبطيت عني والبعد عنك طالي = وانا اتحرى جيتك حينٍ وحين

أعد ساعات العمر والليالي = و أخفي جروحي عن قرايب موالين

متى يطيب الوقت و يطيب فالي = و تعم فرحتنا قصور وميادين

اللي منول كان دايم قبالي = أروي نظر عيني بشوف المحبين

مالي على فراقه بديل و بدالي = غير الدعاء له و الصبر يالمسلمين

هذا رجا قلبي وهذا منالي = اللي بشوفه يصبح الفرح فرحين

شكواي لك ياللي عليك اتكالي = يا خالق سبع السماء والاراضين

الله يرده لي و يرتاح بالي = و انسى همومٍ شاغلتني من سنين

http://www.mo3afa.com/fasel/f11.gif