ورد

[حمود السكراني]

ياورد لوتدرين عن جرح الأيام =وياورد لوتدرين جرحٍ لمستيه
ويا(ورد) لك من ود ماود مريام=ويا(ورد)فيك من اللي أود تشبيه
ويا(ورد) لوتدرين عن حبر وأقلام=ويا(ورد) لوتدرين عن من كتب فيه
ويا(ورد) لوتدرين عن قصر الأحلام=ويا(ورد) لوتدرين من هو سكن فيه
ويا(ورد) لوتدرين عن شوق وهيام=وعن شيء عانيته وعن شي أعانيه
ويا(ورد) لوتدرين عن صحب وأخصام=وعن ماضي الأيام واللي جرى فيه
ويا(ورد) لوتدرين عن حكم الأعدام=ويا(ورد) لوتدرين من كان قاضيه
صحيت جرحٍ مستكن عدة أعوام=بعد ماحسبت انه برى جيت تحييه
ورغم الجروح وماتجدد من آلام=من شوفتك ياكاشفة جرح مخفيه
شفتك هدية ورد جت بآخر العام=ومرسول ود يترجم اللي يعانيه
ياورد من مثلك لياقال مايلام=وش لون يلام طفلٍ برية حكاويه
تقول(عمو) شوف بابا معه (مام)=قلت ذا اللي حاديني عن الدرب مابيه
أخاف من شذة نظر توقف أقدام=واخاف يناديني وانا اقول لبيه
وانا أدري ان للحب سلطان لاقام=ينسى البشر لوكل عينٍ تراعيه
والله مرضى له من الناس لوام=أموت ولا لايم من الناس يطريه
ينهمني أصحابي ترى الدار قدام =قلت البلا بالرجل حارت حواليه