والله وتبطي ماتحقق امانيك ..!

[عبدالله خالد البكر]

السلام عليكم ورحمة الله وبركاته
أسعــد الله اوقاتكم بكل خير وبارك الله لكم بهذا الشهر الفضيل احبتي رواد مرفأ الشعر في الفطاحله ..
هاأنا عدت اليكم بعد نفحة غياب أملي بهذا النص ان يدمح زلة غيابي




ان كان في فرقاي عيد ومسرّات = والله فلا لي خطوةٍ في أراضيك
وكانك تمنّا لي بصدّك إهانات = والله وتبطي ماتحقق أمانيك
انا الذي علّمْك معنى الكرامات = كانك خبرت الي مضى من لياليك
والحي مايرهبْه عشرات الاموات = مثلك ليا ناخيت ساير عوانيك
والله لادوس بعشرةٍ وقتها فات = ان كانها عن ماضي الوقت تنسيك
ماعتدت اماري بالفخر والمروّات = حتى ولو فضلي بدى من خوافيك
انا بنيتك في زمن انهدامات = وانا حميتك من طعون الشرابيك
شايف صدودك ذا مـعـا ذالتفاهات ؟؟ = اكبر دليل انه شموخي مدنّيك !
وشايف بوادر ضكحتك بعض الاوقات ؟؟ = دليل في إنه وجودي يبكّيك
الصمت سيفي لو أجاوبك بسكات = فلايحوشك من سكوتي دواكيك
لنها مجرّد ( عشرةٍ ) وقتها (فات ) = لكن حذاري لو تنسّيك ماضيك !