لو هو قريبٍ من خوال وعمامي

[الذيب الذيب]

السلام عليكم ورحمة الله وبركاته ..................وبعد
تحية طيبة مباركة للجميع ومع هذه المشاركة المتواضعة بعد توقف جبري لظروف الدراسة والعمل.......


لا تامن اللي للخنا به علامي = اللي على وجه كما قطعة القار
لو هو قريبٍ من خوال وعمامي = اقطع علاقاته ولا يلحقك عار
حيثه مقر العار ياهل الفهامي = عقله ضعيفٍ ما يطيع اهل لشوار
لو تعمل المعروف ماله مقامي = ياتيك ردّه عاجلٍ شرّ وشرار
لا جاك في لازمٍ يزين الكلامي = وليا قضا لازم يخليك محتار
محتار ممّا صار يا بن الكرامي = هذي حياته خاينٍ عفن غدّار
مرباه بين الهاملة والحرامي = من صغرسنه عايشٍ بين الاقذار
تصبح حقوق الناس عنده حطامي = ماهمته قلبه كما جيفة إحمار