المِسخ الدميم ( بالعاميّة السودانيّة )

[محمد اسماعيل الرفاعي]

يــا إنتـي هوووي ..
إسمـك منــو ؟؟ وإت بت منــو؟؟
جنسك شنـو؟؟ ولونـك شنــو؟؟
عاينتا فيــك لامِن فِتِـر!! مـا بـانلي شي
وماعرفتا شي !!
كل الحِدايَ سـألتهم ما قالوا شي
وما عِرفوا شي
ما البنطلون ما بيشبهك
ومن ضيقو حاميكي المشي
والفصلة ما بين بين وبين
عِنِدك بقولوا أهمّ شي
والريحة قبال توصلي بتبوظ الأعصاب عدييل
كل زول بشمّها بنتشي
وكل يوم حياءنا بتخدشي
ومسح الكِريم .. سلخ الجلد.. غطى السمار
خلاكي تبرقي ترقشي
وكان في الخريف صبت مطر تتبهدلي وتتوحّشي
دافنشي ما شافك إذن
كان خلّى ألوانك تشي
ورقيب كتب من غير ملل
باركي يحصر في الذنوب
رصّ الدفاتر في الرفوف
خاتّيها لي يوم الحساب
ويوم داك يمين من هُـول ذنـوبك تختشي
وهناك ولا بينفع نـدم لا بتفني لا بتتدشدشي
والنار بتسلخ في الجِلِد بدل الكريم !!
وبتبدّل الجِلِد القديم
وهناك يا المِسخ الدميم
يا الكنتي ماك شبه الحريم
في عذابك الأصبح مقيم
ورينا كيف حـا تحشّشي !!

الأربعاء 1 /7 / 2009م