الشكوى لله

[ابو أنس]

العـام تبغى لك من البيض ثنتين ------ ايضـا وتبغى لك عليهــن زياده
ومثلك الى منّه وصل عام سبعين ------ يروح مخّه مثــــل مخ الجراده
لايقضي الحاجـه ولا يوفي الدين ------ وش عاد لو عطّرت فرش الوساده


الى لفيت الدار نعلك في الابطين=تمشي على اطراف الاصابع هواده
تخاف ياعي بك من يكحّل العين=وده معك يقضي سويعة سعاده
والى اذّن الاول نهضت الكراعين=تنحاش للمسجد ولا هيب عاده
تنحاش قصدك ما تحل التمارين=لاهوب دين ولا قصدت العباده
وان جيتنا وقت الضحى جبت شخصين=تبغي تقهويهم وقصدك شراده
وش فيك حتى اني اقول انت يازين=عطني سبب وانا أجيب الإفاده