رد ع قصيدة الرائع فواز الغسلان . العتبان

[نايف عليان الذويبي]

اقدم الشكر الجزيل للشاعر فواز الغسلان على رائعته اللتي تعجز الحروف
عن مجاراتها .. الشكر لكريم الحرف في ماوصف والعذر من الجميع اذا قصرت







يالله .. ياوهاب ياعالي الشان = يامطلع بالكون ونته رقيبه
تكرم هل المعروف وتكافي انسان = شاعر علم يفخر بعزوة عتيبه
سريت في ليلي وللشعر سلطــان = يامر وينهاني وربي حسيـــــبه
الله من ليلن سريته على شان = اكتب شكر واعزف شعر وأعتـــــــزي به
غنا بها الغسلان وابن عليــــــــان = قافن سرى لوجيه ربعن عريــــــــــبه
تجازي المعروف والخير باحسان = تعشق من علوم الرجال الصعيبه
والشعر رجال امتطى صهوة احصان = والحبر خيال الحروف النجيـــــبه
من خاطرن طربان والبال نشطان = ماينطفي عرق الوفا من لهيبه
في حكم ابومتعب وفي عز سلطان = تاج الولا والحب دوم ابتدي به
من غير قاصر في طويلين الايمان = كل القبايل والوجوه الحبيبــــــه
حنا تركنا المجد والطيب عنوان = حنا شكرنا الله عطا الصيت هيـــبه
شجاعة الانسان مع مر الازمــــان = كيف يتقهوى بالدلال المصيــــبه
كيف الصبر كيف الذكر حب قرءان = اخلاص في اخلاص مع زود طيبه
ياسلوتي لاكنت ضايق وتعبان = ياعزوتي رجالكم عن كتيبـــــــــــه
ماسعى ورا اللقمه ولو كنت جيعان = حتى تجي عندي وماهي غريبـــه
سلام يافواز ياذرب الايمـــــــان = ياكاسي الاشعار حكمه وهيبــــــــه
ماني على دين الرجاجيل ندمان = لان الوفا والطيب ساسه عتيبــــــــه
والطيب والتقدير مع فيض عرفان = ياصلك ياروح الشعر يانسيبـــــــه
لعيون ابن غسلان غنيت قيفان = ماقطف من البستــــان !! كله اجيبه
اللي شكر ربعي عتيبه بنيشان = شعره عسى مايوم يعرف غليبــــه
وغسلان مشتقه على وزن عتبان = يعني نصيبي من حضوره نصيبــه
وختامها عداد همال الامزان = صلو على المختار .. يازين طيبــــــــه