::: امل ضامي :::(مصافحه اولى)

[سعودعياش الزيد]

كشفت القلب متأخرلقيت بداخله الوان = لقيت الحب والنكران لقيت الصدق وكذوبه

لقيت السجن في قلبك بلا قفلِ ولا بيبان = لقيت الكذبه البيظاءمكتوبه ومقلوبه

تكفيني قناعاتي بأنك بالفعل انسان = ولاكن اعترف واقول بانك فعل(ن) اعجوبه

انا سلمتلك قلبي ولكن وشو اللي بان = ابي منك تجاوبني قبل مانصير العوبه

معي حدد مساراتك كذا نمشي بلاعنوان = مثل منهو سرا بضلما وضيع باقي ادروبه

انا اقسمت لك باللي علينا فارض الاركان = حياتي كلها راحت من اصعوبه الي اصعوبه

الا ياليت مايبقى على وجه الكره غلطان = ولا ياليت كل انسان يعرف كامل اعيوبه

انا جيتك(امل ضامي)وكلي من الوله عطشان = لقيت العذب وصرت ابحث عن الي اكثر اعذوبه

وصدمني واقع(ن )قاسي معك ماكان بالحسبان = خلص ارجوك لاترجع ولا تعلن لي التوبه

بعدتحطيم آمالي على صخره من النكران = حرام الي مثل شرواك محسوب(ن) على الجوبه

نصيحه لك اذا انك تعاني من عمى الوان = تروح تعيد نضراتك ترى الاخطاء محسوبه

تجي نادم وتتعذرتقول آسف وانا الغلطان = علي تغلط وتتمادى وتجيني تقول مسحوبه

ورسى بي مركب آمالي على شاطي من الحرمان= لقيت الديره اللي آمنه ياحيف منكوبه

ولقيت الوفاء يرقص طرب للجور والنكران = ولقيت الغالبه تبكي تصيح تقول مغلوبه

لقيت القلم راقد على صدر الورق عريان = يخلي المبتداء مجرور والافعال منصوبه

لعب بالحروف ولخبط الاحرف مع الالوان = تمرد ونفرد والعين مقفوله ومعصوبه

ورميت براسي المجهد بأحضان الزمن تعبان = احسب الوقت صحاني وانا عايش بغيبوبه